屈勢
https://www.youtube.com/watch?v=CDvFMrIA4cs
《屈勢》Khut-sè
莊振凱Tsng Tsín-khái
——————————————
每工踮外頭
muí-kang tiàm guā-thâu
辛苦為一个家
sim-khóo uī tsi̍t-ê ke
吞落委屈規大搣
thun-lo̍h uí-khut kui-tuā-me
出外看人頭面
tshut-guā khuànn lâng thâu-bīn
無奈忍耐笑笑過
bô-nāi jím-nāi tshiò-tshiò kuè
表面激甲真鬆勢
piáu-bīn kik kah tsin sang-sè
啊~鬥陣的
ah~ tàu-tīn–ê
相招來歡喜啉一杯
sio-tsio lâi huann-hí lim–tsi̍t-pue
談天說地練痟話
tâm-thian suat-tē liān-siáu-uē
啉落三杯五杯
lim-lo̍h sann-pue-gōo-pue
展出飄撇的屈勢
tián-tshut phiau-phiat ê khut-sè
奏啥物卡拉攏OK
tsàu sí-mih kha-la lóng OK
敬一杯
kìng tsi̍t-pue
我乾杯
guá kan-pue
咱是知己瑪摺的
lán sī ti-kí má-tsih–ê
兄弟感情無地揣
hiann-tī kám-tsîng bô-tè tshuē
壓力親像重犁
ap-li̍k tshin-tshiūnn tāng-lê
有時瘦啉鬆一下
ū-sî sán-lim sang–tsi̍t-ē
是男的屈勢(男=おとこ)
sī oo-tóo-khooh ê khut-sè
敬一杯
kìng tsi̍t-pue
你乾杯
lí kan-pue
咱是知己瑪摺的
lán sī ti-kí má-tsih–ê
無相計較毋免假
bô sio-kè-kàu m̄-bián ké
鬱卒的心內話
ut-tsut ê sim-lāi-uē
有時借酒來排退
ū-sî tsioh tsiú lâi pâi-thè
是男的屈勢
sī oo-tóo-khooh ê khut-sè
—
是男人才會體會
sī lâm-jîn tsiah ē thé-huē
是男的屈勢
sī oo-tóo-khooh ê khut-sè
