山懸情又深
《山懸情又深》Suann Kuân Tsîng Iū Tshim
張景峰Tiunn Kíng-hong
——————————————
毋是想起伊形影
m̄-sī siūnn-khí i hîng-iánn
怎樣孤單跑山嶺
tsuánn-iūnn koo-tuann pháu suann-niá
彼日拍獵看見伊
hit-ji̍t phah-la̍h khuànn-kìnn i
憂悶踮遮行
iu-būn tiàm tsia kiânn
親像咧叫伊的名
tshin-tshiūnn teh kiò i ê miâ
遠遠溪圳水流聲
hn̄g-hn̄g khue-tsùn tsuí-lâu siann
啊~引起阮
ah~ ín-khí gún
來心痛疼
lâi sim thàng-thiànn
恨咱的運命
hūn lán ê ūn-miā
毋是貪著好環境
m̄-sī tham-tio̍h hó khuân-kíng
怎樣為情來犧牲
tsuánn-iūnn uī tsîng lâi hi-sing
我是真知
guá sī tsin tsai
你毋願違背爸母命
lí m̄-guān uî-puē pē-bú bīng
山頭秋風吹無停
suann-thâu tshiu-hong tshue bô-thîng
陣陣迫阮心頭冷
tsūn-tsūn pik gún sim-thâu líng
啊~總是阮會來完成
ah~ tsóng–sī gún ē lâi uân-sîng
山地好愛情
suann-tuē hó ài-tsîng
毋是春風真溫柔
m̄-sī tshun-hong tsin un-jiû
怎樣忍耐心憂愁
tsuánn-iūnn jím-nāi sim iu-tshiû
遮爾冷靜來期待
tsiah-nī líng-tsīng lâi kî-thāi
寶貴的自由
pó-kuì ê tsū-iû
山頭風景真清幽
suann-thâu hong-kíng tsin tshing-iu
花紅柳綠好模樣
hue âng liú li̍k hó bôo-iūnn
啊~請你好好替我想
ah~ tshiánn lí hó-hó thuè guá siūnn
情感來保留
tsîng-kám lâi pó-liû
