但是我袂驚惶
《但是我袂驚惶》Tān-sī Guá Buē Kiann-hiânn
陳以恆Tân Í-hîng
——————————————
這是第三工
tse sī tē-sann kang
猶未慣勢
iáu-bē kuàn-sì
身邊有人抱啊
sin-pinn ū-lâng phō–ah
猶未慣勢
iáu-bē kuàn-sì
七月的日頭
tshit-gue̍h ê ji̍t-thâu
猶未慣勢你
iáu-bē kuàn-sì lí
但是我袂驚惶
tān-sī guá buē kiann-hiânn
是清明的透早
sī tshing-bîng ê thàu-tsá
料想袂到
liāu-sióng-bē-kàu
重逢會佇遐
tiông-hông ē tī hia
料想袂到
liāu-sióng-bē-kàu
閣聽你的聲
koh thiann lí ê siann
料想袂到咱
liāu-sióng-bē-kàu lán
但是我袂驚惶
tān-sī guá bē kiann-hiânn
When I Find My Heart Inside You
When I Find My Heart Inside You
I Know It’s A Game I Need To Play
I Know It’s A Game I Need To Play
竟然異鄉的路邊形影
kìng-jiân ī-hiong ê lōo-pinn hîng-iánn
全攏像著你
tsuân lóng tshiūnn tio̍h lí
全攏看做你
tsuân lóng khuànn-tsuè lí
彼暗風雨
hit-àm hong-hōo
全化做雲煙
tsuân huà-tsuè hûn-ian
但是我袂驚惶
tān-sī guá bē kiann-hiânn
When I Find My Heart Inside You
When I Find My Heart Inside You
I Know It’s A Game I Need To Play
I Know It’s A Game I Need To Play
紲來有幾工
suà–lâi ū kuí kang
前路到佗位
tsîng-lōo kàu tó-uī
我攏毋知影
guá lóng m̄ tsai-iánn
但是我袂驚惶
tān-sī guá buē kiann-hiânn
