情歌出頭天
《情歌出頭天》Tsîng-kua Tshut-thâu-thinn
陳建瑋Tân Kiàn-uí
——————————————
城市盈暗蓋稀微
siânn-tshī îng-àm kài hi-bî
仝款又飄來
kāng-khuán iū phiau lâi
齷齪的氣味
ak-tsak ê khì-bī
摻著落漆的熏味
tsham tio̍h lak-tshat ê hun-bī
陪伴陣陣
puê-phuānn tsūn-tsūn
曖昧的芳味
ài-māi ê phang-bī
一支吉他唱規暝
tsi̍t-ki gì-tah tshiùnn kui-mî
逐工攏哼來哼去
ta̍k-kang lóng hainn-lâi-hainn-khì
像破病
tshiūnn phuà-pīnn
毋知唱啥來醫治
m̄-tsai tshiùnn siánn lâi i-tī
啊人客才會
ah lâng-kheh tsiah ē
快樂笑咪咪
khuài-lo̍k tshiò-bi-bi
情歌最相思
tsîng-kua tsuè siunn-si
你佮我我佮你你佮伊
lí kah guá guá kah lí lí kah i
做陣來唱予死
tsuè-tīn lâi tshiùnn hōo sí
情歌最稀奇
tsîng-kua tsuè hi-kî
只要我繼續唱落去
tsí-iàu guá kè-sio̍k tshiùnn–lo̍h-khì
就一定紅到天邊
tō it-tīng âng kàu thinn-pinn
若情歌唱煞
nā tsîng-kua tshiùnn suah
我就會變歌星
guá tō ē piàn kua-tshinn
情歌唱煞
tsîng-kua tshiùnn suah
我就會變歌星
guá tō ē piàn kua-tshinn
所以我無願意
sóo-í guá bô guān-ì
轉去故鄉食家己
tńg-khì kòo-hiong tsia̍h-ka-kī
情歌唱煞
tsîng-kua tshiùnn suah
我就會出頭天喔
guá tō ē tshut-thâu-thinn–ooh
情歌唱煞
tsîng-kua tshiùnn suah
我就會出頭天
guá tō ē tshut-thâu-thinn
我願意閣再試
guá guān-ì koh-tsài tshì
心愛的人
sim-ài ê lâng
希望你愛支持
hi-bāng lí ài tsi-tshî
相信總有一工
siong-sìn tsóng ū tsi̍t-kang
我一定會當
guá it-tīng ē-tàng
親手交予你
tshin-tshiú kau hōo lí
這世人上貴的名片
tsit-sì-lâng siōng kuì ê miâ-phìnn
是我的新CD
sī guá ê sin CD
情歌唱煞
tsîng-kua tshiùnn suah
我就會變歌星
guá tō ē piàn kua-tshinn
情歌唱煞
tsîng-kua tshiùnn suah
我就會變歌星
guá tō ē piàn kua-tshinn
所以我無願意
sóo-í guá bô guān-ì
轉去故鄉食家己
tńg-khì kòo-hiong tsia̍h-ka-kī
我願意閣再試
guá guān-ì koh-tsài tshì
心愛的人
sim-ài ê lâng
希望你愛支持
hi-bāng lí ài tsi-tshî
