荷蘭追想曲
https://www.youtube.com/watch?v=e3aFrFvjlSs
《荷蘭追想曲》Hô-lân Tui-sióng-khik
郭大誠Kueh Tāi-sîng
——————————————
二十年前安平港
jī-tsa̍p nî tsîng An-pîng-káng
放捒某囝怹兩人
pàng-sak bóo-kiánn in nn̄g-lâng
傷心離臺灣
siong-sim lî Tâi-uân
坐船回荷蘭
tsē-tsûn huê Hô-lân
日夜悲傷心茫茫
ji̍t-iā pi-siong sim bâng-bâng
親情毋願放
tshin-tsiânn m̄-guān pàng
運命來戲弄
ūn-miā lâi hì-lāng
異國鴛鴦分西東
ī-kok uan-iunn hun se-tang
啊~~何時再回安平港
ah~~ hô-sî tsài huê An-pîng-káng
風車踅來又踅去
hong-tshia se̍h-lâi iū se̍h-khì
時間經過二十年
sî-kan king-kuè jī-tsa̍p nî
思念阮妻兒
su-liām gún tshe-jî
一捾金十字
tsi̍t-kuānn kim-tsa̍p-jī
掛在胸前做為記
kuà tsāi hing-tsîng tsuè-uî kì
暗暗珠淚滴
àm-àm tsu-luī tih
相會等何時
siong-huē tán hô-sî
自恨自嘆做船醫
tsū-hūn tsū-thàn tsò tsûn-i
啊~安平小姐在哪裡
ah~ An-pîng sió-tsiá tsāi ná-lí
荷蘭孤單傷心夜
Hô-lân koo-tuann siong-sim iā
看著出帆的船隻
khuànn-tio̍h tshut-phâng ê tsûn-tsiah
引阮心疼痛
ín gún sim thiànn-thàng
毋敢哭出聲
m̄-kánn khàu tshut-siann
怨嘆無情的運命
uàn-thàn bô-tsîng ê ūn-miā
可憐怹母囝
khó-liân in bú-kiánn
一定來恨爹
it-tīng lâi hūn tia
無情無義做我行
bô-tsîng-bô-gī tsuè guá kiânn
啊~~何時重逢安平城
ah~~ hô-sî tiông-hông An-pîng-siânn
