碼頭相思曲
《碼頭相思曲》Bé-thâu Siunn-si-khik
陳芬蘭Tân Hun-lân
——————————————
阮又來港邊
gún iū lâi káng-pinn
看著出航的船隻
khuànn tio̍h tshut-hâng ê tsûn-tsiah
火船螺帶著哀愁
hué-tsûn lê tuà-tio̍h ai-tshiû
伴阮嘆一聲
phuānn gún thàn tsi̍t-siann
你怎樣全然毋知
lí tsuánn-iūnn tsuân-jiân m̄-tsai
女性的痛疼
lú-sìng ê thàng-thiànn
為著你耽誤青春
uī-tio̍h lí tam-gōo tshing-tshun
守著寂寞夜
siú tio̍h tsi̍k-bo̍k iā
你彼日踮在碼頭
lí hit-ji̍t tiàm-tsāi tī bé-thâu
對天來立誓
tuì thinn lâi li̍p-sè
叫阮著毋通悲傷
kiò gún tio̍h m̄-thang pi-siong
句句安慰話
kù-kù an-uì uē
阮猶原記在心頭
gún iu-guân kì tsāi sim-thâu
等著你轉回
tán tio̍h lí tńg-huê
無疑你一去規年
bô-gî lí tsi̍t-khì kui-nî
也無半張批
iā bô puànn-tiunn phe
阮又來港邊
gún iū lâi káng-pinn
懷念無情彼个人
huâi-liām bô-tsîng hit ê lâng
黃昏的憂悶日頭
hông-hun ê iu-būn ji̍t-thâu
伴阮目箍紅
phuānn gún ba̍k-khoo âng
你因何無來同情
lí in-hô bô lâi tông-tsîng
女性的苦痛
lú-sìng ê khóo-thàng
為著你日日空虛
uī-tio̍h lí ji̍t-ji̍t khang-hi
夜夜見惡夢
iā-iā kìnn ok-bāng
