流浪小歌女
https://www.youtube.com/watch?v=pZeoeBWxc3c
《流浪小歌女》Liû-lōng Sió Kua-lú
陳芬蘭Tân Hun-lân
——————————————
離開著爸母身邊
lī-khui tio̍h pē-bú sin-pinn
異鄉過日子
ī-hiong kuè ji̍t-tsí
每日來唱歌趁錢
muí-ji̍t lâi tshiùnn-kua thàn-tsînn
雖然心稀微
sui-jiân sim hi-bî
有時也真像花枝
ū-sî iā tsin tshiūnn hue-ki
順風搖動笑嘻嘻
sūn-hong iô-tāng tshiò hi-hi
阮就是可愛的
gún tsiū-sī khó-ài ê
流浪小女兒
liû-lōng sió lú-jî
露水滴無聊深更
lōo-tsuí tih bô-liâu tshim-kinn
孤單看天星
koo-tuann khuànn thinn-tshinn
想起著故鄉代誌
siūnn-khí tio̍h kòo-hiong tāi-tsì
不覺心酸悲
put-kak sim sng-pi
只有是月色含情
tsí-ū sī ge̍h-sik hâm-tsîng
對阮安慰獻柔意
tuì gún an-uì hiàn jiû-ì
阮就是寂寞的
gún tsiū-sī tsi̍k-bo̍k ê
流浪小女兒
liû-lōng sió lú-jî
無論是海角天邊
bô-lūn sī hái-kak thinn-pinn
不管好歹天
put-kuán hó-pháinn thinn
坐馬車搖來搖去
tsē bé-tshia iô-lâi-iô-khì
流動無停時
liû-tōng bô thîng-sî
只好是放捒愁容
tsí-hó sī pàng-sak tshiû-iông
歡歡喜喜唱歌時
huann-huann-hí-hí tshiùnn-kua sî
阮就是快樂的
gún tsiū-sī khuài-lo̍k ê
流浪小女兒
liû-lōng sió lú-jî
