Super MaMa
《Super MaMa》
張涵雅Tiunn Hâm-ngá
——————————————
透早起來攢早頓
thàu-tsá khí-lâi tshuân tsá-tǹg
哪會天攏猶未光
ná ē thinn lóng iáu-buē kng
連鞭來煩惱
liâm-mi lâi huân-ló
是欲炒卵抑煎卵
sī beh tshá nn̄g ia̍h tsian nn̄g
配鹹糜抑白飯
phuè kiâm-muê ia̍h pe̍h-pn̄g
送囡仔去幼稚園
sàng gín-á khì iù-tī-hn̂g
厝邊隔壁相借問
tshù-pinn keh-piah sio-tsioh-mn̄g
就馬上出發
tiō má-siōng tshut-huat
無法度歇睏
bô-huat-tōo hioh-khùn
到下暗
kàu e-àm
是按怎無主無意
sī-án-tsuánn bô-tsú-bô-ì
敢袂當大主大意
kám buē-tàng tuā-tsú-tuā-ì
有時嘛想欲無張持
ū-sî mā siūnn-beh bô-tiunn-tî
毋免遐媠氣
m̄-bián hiah suí-khuì
講遐濟無影無跡
kóng hiah tsē bô-iánn-bô-tsiah
無一項有影有跡
bô tsi̍t-hāng ū-iánn-ū-tsiah
莫插怹按怎變
mài tshap in án-tsuánn pìnn
做家己
tsò ka-tī
趕緊做伙來
kuánn-kín tsò-hué lâi
做伙來唱歌
tsò-hué lâi tshiùnn-kua
天光到暝半
thinn kng kàu mî-puànn
唱甲梢聲
tshiùnn kah sau-siann
換我來跳舞
uānn guá lâi thiàu-bú
你提mài-kuh
lí the̍h mài-kuh
怨嘆也無較縒
uàn-thàn iā bô-khah-tsua̍h
我是Lady Gaga
guá sī Lady Gaga
嘛是Super MaMa
mā-sī Super MaMa
(趕緊)做伙來
(kuánn-kín) tsò-hué lâi
做伙來唱歌
tsò-hué lâi tshiùnn-kua
山頂到海邊啊
suann-tíng kàu hái-pinn–ah
大聲唱海豬仔聲
tuā-siann tshiùnn hái-ti-á siann
Maria Kerry的歌
Maria Kerry ê kua
管待伊破聲
kuán-thāi-i phuà-siann
好聽抑是歹聽
hó-thiann ia̍h-sī pháinn-thiann
自信就第一名
tsū-sìn tiō tē-it-miâ
(無人聽準煞)
(bô-lâng thiann, tsún-suah)
—
逐工為著咱的家
ta̍k-kang uī-tio̍h lán ê ke
無時間應酬交陪
bô sî-kan ìng-siû kau-puê
定定虛肭肭
tiānn-tiānn hi-leh-leh
閣愛陪囝講故事
koh ài puê kiánn kóng kòo-sū
兼洗碗揉塗跤
kiam sé uánn jiû thôo-kha
人攏呵咾我好禮
lâng lóng o-ló guá hó-lé
遮爾媠閣?講話
tsiah-nī suí koh gâu kóng-uē
我只是想欲
guá tsí-sī siūnn-bueh
酒一杯一杯
tsiú tsi̍t-pue-tsi̍t-pue
到馬西
kàu má-se
