I Wanna Be Your Girl
《I Wanna Be Your Girl》
曹雅雯Tsô Ngá-bûn
——————————————
毋知啥物緣故
m̄-tsai siánn-mih iân-kòo
拄著你就無法度
tú-tio̍h lí tiō bô-huat-tōo
閣較倔強的個性
koh-khah ku̍t-kiông ê kò-sìng
閣較堅定的眼神
koh-khah kian-tīng ê gán-sîn
拜過遐爾濟月老
pài kuè hiah-nī tsuē gua̍t-ló
你敢就會
lí kám tiō ē
對阮上好
tuì gún siōng hó
咱攏心內有數
lán lóng sim-lāi iú-sòo
當時欲Rock My World
tang-sî beh Rock My World
遮濟人咧散步
tsiah tsuē lâng teh sàn-pōo
沉醉浪漫愛河
tîm-tsuì lōng-bān ài-hô
吹著微微的涼風
tshue tio̍h bî-bî ê liâng-hong
淋著毛毛小雨
lâm tio̍h mn̂g-mn̂g sió-hōo
看你烏烏的目睭
khuànn lí oo-oo ê ba̍k-tsiu
有足濟話想欲講
ū tsiok tsē uē siūnn-beh kóng
你著斟酌聽好
lí tio̍h tsim-tsiok thiann hó
I Wanna Be Your Girl
