行船的人生
《行船的人生》Kiânn-tsûn ê Jîn-sing
陳一郎Tân It-lông
——————————————
冷風陣陣吹船頂
líng-hong tsūn-tsūn tshue tsûn-tíng
海鳥替阮訴悲情
hái-tsiáu thè gún sòo pi-tsîng
怨嘆自己歹環境
uàn-thàn tsū-kí pháinn huân-kíng
一切忍耐為前程
it-tshè jím-nāi uī tsiân-tîng
寂寞行船的男性
tsi̍k-bo̍k kiânn-tsûn ê lâm-sìng
上驚愛人仔變了情
siōng kiann ài-jîn-á piàn liáu tsîng
今夜波浪
kim-iā pho-lōng
一重又一重
tsi̍t-tîng iū tsi̍t-tîng
阮的心情攏袂清
gún ê sim-tsîng lóng buē tshing
想起故鄉的情景
siūnn-khí kòo-hiong ê tsîng-kíng
心愛的你著心堅定
sim-ài–ê lí tio̍h sim kian-tīng
毋管命運怎轉變
m̄-kuán miā-ūn tsuánn tsuán-piàn
甘願行船過一生
kam-guān kiânn-tsûn kuè it-sing
