深深愛著你
《深深愛著你》Tshim-tshim Ài-tio̍h Lí
張清芳Tiunn Tshing-hong
——————————————
又閣是落雨的暗暝
iū-koh sī lo̍h-hōo ê àm-mî
一个人孤單睏袂去
tsi̍t-ê-lang koo-tuann khùn buē-khì
想著阮家己
siūnn-tio̍h gún ka-kī
幸運的女人
hīng-ūn ê lú-jîn
會當來熟似你
ē-tàng lâi si̍k-sāi lí
冷冷清清的臺北市
líng-líng-tshing-tshing ê Tāi-pak-tshī
七彩的燈火咧閃爍
tshit-tshái ê ting-hué teh siám-sih
熟似的街路
si̍k-sāi ê kue-lōo
生份的空氣
tshinn-hūn ê khong-khì
如今我已經失去了你
jû-kim guá í-king sit-khì liáu lí
請你相信
tshiánn lí siong-sìn
我毋是故意欲傷害你
guá m̄-sī kòo-ì beh siong-hāi lí
思念你
su-liām lí
是無日無暝
sī bô-ji̍t bô-mî
若是會當予我
nā-sī ē-tàng hōo guá
重新行回著過去
tiông-sin kiânn huê tio̍h kuè-khì
我一定會選擇你
guá it-tīng ē suán-ti̍k lí
請你原諒我
tshiánn lí guân-liōng guá
一時決定欲離開你
tsi̍t-sî kuat-tīng beh lī-khui lí
思念你
su-liām lí
用盡所有的日子
iōng-tsīn sóo-ū ê ji̍t-tsí
若是會當予我
nā-sī ē-tàng hōo guá
重新行回著過去
tiông-sin kiânn huê tio̍h kuè-khì
我一定會選擇你
guá it-tīng ē suán-ti̍k lí
一直攏深深愛著你
it-ti̍t lóng tshim-tshim ài-tio̍h lí
