新娘夢
《新娘夢》Sin-niû Bāng
張瀛仁Tiunn Îng-jîn
——————————————
冷風冷雨冷規暗
líng-hong líng-hōo líng kui-àm
苦苦等無心愛的人
khóo-khóo tán-bô sim-ài ê lâng
感情來到上尾站
kám-tsîng lâi-kàu siōng-bué tsām
目屎已經滴袂完
ba̍k-sái í-king tih buē-uân
愛著不該愛的人
ài-tio̍h put-kai ài ê lâng
心疼只好家己攬
sim-thiànn tsí-hó ka-kī lám
滿腹心酸講袂完
muá-pak sim-sng kóng buē-uân
上好氣死免操煩
siōng-hó khì–sí bián tshau-huân
我是上愛你的人
guá sī siōng ài lí ê lâng
你煞予我上怨嘆
lí suah hōo guá siōng uàn-thàn
好好一場新娘夢
hó-hó tsi̍t-tiûnn sin-niû bāng
予你親手拍破
hōo lí tshin-tshiú phah-phuà
我毋願
guá m̄-guān
我是上愛你的人
guá sī siōng ài lí ê lâng
你煞傷我傷遮重
lí suah siong guá siong tsiah tāng
看破這場新娘夢
khuànn-phuà tsit tiûnn sin-niû bāng
看破我上愛的彼个人
khuànn-phuà guá siōng ài ê hit ê lâng
