揣無阮的名
《揣無阮的名》Tshuē-bô Gún ê Miâ
張瀛仁Tiunn Îng-jîn
——————————————
莫問我今夜
mài mn̄g guá kim-iā
又閣為誰疼
iū-koh uī siáng thiànn
無聊的暗暝
bô-liâu ê àm-mî
誰做伴
siáng tsuè-phuānn
彼首老情歌
hit siú lāu tsîng-kua
愈唱心愈疼
jú tshiùnn sim jú thiànn
親像你講過的咒誓
tshin-tshiūnn lí kóng–kuè ê tsiù-tsuā
一聲閣一聲
tsi̍t-siann koh tsi̍t-siann
一直刺激我
it-ti̍t tshì-kik guá
思念的心肝
su-liām ê sim-kuann
像浸佇海水遐爾寒
tshiūnn tsìm tī hái-tsuí hiah-nī kuânn
我心疼心疼
guá sim thiànn sim thiànn
情路家己行
tsîng-lōo ka-tī kiânn
我心疼心疼
guá sim thiànn sim thiànn
燒酒來做伴
sio-tsiú lâi tsuè-phuānn
我心疼心疼
guá sim thiànn sim thiànn
愛情放捒我
ài-tsîng pàng-sak guá
我心疼心疼
guá sim thiànn sim thiànn
幸福揣無阮的名
hīng-hok tshuē-bô gún ê miâ
