思念是一種疼
《思念是一種疼》Su-liām Sī Tsi̍t-tsióng Thiànn
陳中Tân Tiong
——————————————
秋風落葉
tshiu-hong lo̍h-hio̍h
人孤單
lâng koo-tuann
寂寞月光
tsi̍k-bo̍k ge̍h-kng
照人影
tsiò lâng-iánn
想著無緣的彼个人
siūnn-tio̍h bô-iân ê hit ê lâng
又是陣陣的心疼
iū sī tsūn-tsūn ê sim-thiànn
燒酒落喉
sio-tsiú lo̍h-âu
毋知寒
m̄-tsai kuânn
只賰一領冷被單
tsí tshun tsi̍t-niá líng phuē-tuann
望向繁華的窗外
bāng hiòng huân-huâ ê thang-guā
厝內無聲
tshù-lāi bô-siann
是孤單
sī koo-tuann
思念是一種疼
su-liām sī tsi̍t-tsióng thiànn
以前攏毋知影
í-tsîng lóng m̄ tsai-iánn
若是到半暝半
nā-sī kàu puànn-mî-puànn
憂愁就來做伴
iu-tshiû tiō lâi tsuè-phuānn
思念是遐爾疼
su-liām sī hiah-nī thiànn
以前攏毋知影
í-tsîng lóng m̄ tsai-iánn
像欲挃我的命
tshiūnn beh-ti̍h guá ê miā
半暝冷風凍心肝
puànn-mî líng-hong tàng sim-kuann
