未了情
《未了情》Bī-liáu Tsîng
莊振凱Tsng Tsín-khái
——————————————
人生若像
jîn-sing ná-tshiūnn
浮沉的海湧
phû-tîm ê hái-íng
袂當風平浪靜
buē-tàng hong pîng lōng tsīng
欣賞光景
him-sióng kong-kíng
前塵往事一重重
tsîng-tîn óng-sū tsi̍t-tîng-tîng
回首心灰意冷
huê-siú sim hue ì líng
揣無靠岸
tshuē-bô khò-huānn
暫時借停
tsiām-sî tsioh-thîng
命中註定
miā-tiong tsù-tiānn
坎坷的愛情
khám-khia̍t ê ài-tsîng
離合悲歡
lî-ha̍p pi-huan
只有聽天由命
tsí-ū thìng-thian iû-miā
明知歲月無情
bîng-tsai suè-gua̍t bô-tsîng
偏偏風雨無停
phian-phian hong-hōo bô-thîng
欠你的情
khiàm lí ê tsîng
早慢阮會還
tsá-bān gún ē hîng
今生未了情
kim-sing bī-liáu tsîng
情未了
tsîng bī-liáu
海中來
hái-tiong lâi
火中去的煎熬
hué-tiong khì ê tsian-ngâu
夢中情
bāng-tiong tsîng
夢中還
bāng-tiong hîng
還無夠
hîng bô-kàu
來生緣
lâi-sing iân
再回頭
tsài huê-thâu
陪你到老
puê lí kàu lāu
