倚靠
《倚靠》Uá-khò
陳淑萍Tân Siok-phîng
——————————————
咱的愛情遮堅固
lán ê ài-tsîng tsiah kian-kòo
毋驚風雨共阮擋
m̄-kiann hong-hōo kā gún tòng
綴著穩定的跤步
tuè tio̍h ún-tīng ê kha-pōo
這條情路袂踏錯
tsit tiâu tsîng-lōo buē ta̍h tshò
毋管暗暝偌爾烏
m̄-kuán àm-mî guā-nī oo
有你對阮的保護
ū lí tuì gún ê pó-hōo
雖然遙遠的路途
sui-jiân iâu-uán ê lōo-tôo
你來真心咧看顧
lí lâi tsin-sim teh khuànn-kòo
有怹的期待佮祝福
ū in ê kî-thāi kah tsiok-hok
你是我永遠的倚靠
lí sī guá íng-uán ê uá-khò
紅著目箍
âng tio̍h ba̍k-khoo
綴你一生毋驚苦
tuè lí it-sing m̄-kiann khóo
