三暝又三工
《三暝又三工》Sann-mî Iū Sann-kang
陳淑萍Tân Siok-phîng
——————————————
秋風
tshiu-hong
若是吹振動
nā-sī tshue tín-tāng
落葉拍醒
lo̍h-hio̍h phah-tshínn
阮思念的夢
gún su-liām ê bāng
風鈴
hong-lîng
若是大聲響
nā-sī tuā-siann hiáng
又閣擾亂阮
iū-koh jiáu-luān gún
寂寞的心房
tsi̍k-bo̍k ê sim-pâng
阮予你的情
gún hōo lí ê tsîng
敢無夠重
kám bô-kàu tāng
毋知珍惜佮疼痛
m̄-tsai tin-sioh kah thiànn-thàng
你的心是送啥人
lí ê sim sī sàng siánn-lâng
歇踮佗一蕊花欉
hioh tiàm tó tsi̍t-luí hue-tsâng
想你三暝又三工
siūnn lí sann-mî iū sann-kang
批紙已經寫滿滿
phue-tsuá í-king siá buán-buán
內容卻是空空空
luē-iông khiok-sī kha̋ng-khang-khang
等你三暝又三工
tán lí sann-mî iū sann-kang
情淚已經滇滿滿
tsîng-luī í-king tīnn buán-buán
繼續心酸目箍紅
kè-sio̍k sim-sng ba̍k-khoo âng
啊~一切一切攏是
ah~ it-tshè it-tshè lóng-sī
多情創治人
to-tsîng tshòng-tī lâng
