亂情歌
《亂情歌》Luān-tsîng Kua
陳思安Tân Su-an
——————————————
若聽著往事這首歌
nā thiann-tio̍h óng-sū tsit siú kua
想起咱惜別的海岸
siūnn-khí lán sioh-pia̍t ê hái-huānn
由在著海風吹心肝
iû-tsāi tio̍h hái-hong tshue sim-kuann
對天來輕輕叫出聲
tuì thinn lâi khin-khin kiò tshut-siann
可恨的愛人變心啦
khó hūn ê ài-jîn piàn-sim–lah
十年的感情欲按怎
tsa̍p-nî ê kám-tsîng beh án-tsuánn
留予阮一條手巾仔
lâu hōo gún tsi̍t-tiâu tshiú-kin-á
無情的山頂烏狗兄
bô-tsîng ê suann-tíng oo-káu-hiann
講啥物
kóng siánn-mih
山盟海誓的咒誓
san-bîng hái-sè ê tsiù-tsuā
最後是爽著你
tsuè-āu sī sóng tio̍h lí
艱苦著我
kan-khóo tio̍h guá
放袂開繁華
pàng buē-khui huân-huâ
攏是夢一攤
lóng-sī bāng tsi̍t-thuann
為啥物
uī-siánn-mih
心愛的無愛我
sim-ài–ê bô-ài guá
窗外的陣陣落雨聲
thang-guā ê tsūn-tsūn lo̍h-hōo siann
暗示阮
àm-sī gún
愛著才知疼
ài–tio̍h tsiah tsai thiànn
酒落喉
tsiú lo̍h-âu
就唱袂煞
tiō tshiùnn buē-suah
這是阮酒後的心聲
tse sī gún tsiú āu ê sim-siann
