有愛無愛攏是疼
《有愛無愛攏是疼》Ū Ài Bô Ài Lóng-sī Thiànn
陳思安Tân Su-an
——————————————
毋免問我
m̄-bián mn̄g guá
敢會期待
kám ē kî-thāi
感情有依倚
kám-tsîng ū i-uá
愛過恨過
ài–kuè hūn–kuè
最後到底得著啥
tsuè-āu tàu-té tit-tio̍h siánn
無人知影
bô-lâng tsai-iánn
幸福背後
hīng-hok puē-āu
真相是按怎
tsin-siòng sī án-tsuánn
心疼毋是
sim-thiànn m̄-sī
三兩句話會當煞
sann-nn̄g-kù uē ē-tàng suah
何必問我
hô-pit mn̄g guá
望著天頂
bāng tio̍h thinn-tíng
到底咧等啥
tàu-té teh tán siánn
向望心願
ǹg-bāng sim-guān
結果若親像白紙
kiat-kó ná-tshin-tshiūnn pe̍h-tsuá
啥人了解
siánn-lâng liáu-kái
愛的代價
ài ê tāi-kè
竟然是孤單
kìng-jiân sī koo-tuann
目屎流過
ba̍k-sái lâu–kuè
後果就自己來擔
hiō-kó tiō tsū-kí lâi tann
我了解
guá liáu-kái
我知影
guá tsai-iánn
有愛無愛攏是疼
ū ài bô-ài lóng-sī thiànn
愛過才知影
ài–kuè tsiah tsai-iánn
疼是無夠看
thiànn sī bô-kàu-khuànn
我並無怨嘆啥
guá pīng bô uàn-thàn siánn
燒酒一喙啉予焦
sio-tsiú tsi̍t-tshuì lim hōo ta
無想以後
bô siūnn í-āu
愛過就準煞
ài–kuè tsiū tsún-suah
