講會出的歡喜
《講會出的歡喜》Kóng Ē-tshut ê Huann-hí
張秀卿Tiunn Siù-khing
——————————————
你慣勢踮阮耳空邊
lí kuàn-sì tiàm gún hīnn-khang-pinn
歕一口氣
pûn tsi̍t-kháu khuì
你慣勢踮阮面頭前
lí kuàn-sì tiàm gún bīn-thâu-tsîng
寫愛這个字
siá ài tsit ê jī
愛我有偌深
ài guá ū guā tshim
你若講
lí nā kóng
阮就共當做是
gún tiō kā tòng-tsuè sī
阮慣勢踮你的身邊
gún kuàn-sì tiàm lí ê sin-pinn
叫你名字
kiò lí miâ-jī
阮慣勢看你的目睭
gún kuàn-sì khuànn lí ê ba̍k-tsiu
感覺這滋味
kám-kak tse tsu-bī
已經遮濟年
í-king tsiah tsē nî
咱的感情
lán ê kám-tsîng
毋是三言兩語講會清
m̄-sī sam-giân lióng-gí kóng ē-tshing
講會出來的歡喜
kóng ē-tshut–lâi ê huann-hí
感覺袂完的心情
kám-kak buē uân ê sim-tsîng
就算你無洗身軀
tiō-sǹg lí bô sé-sin-khu
嘛較贏所有的芳味
mā khah iânn sóo-ū ê phang-bī
講袂出來的歡喜
kóng bē-tshut–lâi ê huann-hí
感覺袂完的心情
kám-kak buē uân ê sim-tsîng
就按呢
tiō-án-ne
恬恬看你
tiām-tiām khuànn lí
毋知會看到當時
m̄-tsai ē khuànn kah tang-sî
