戇戇不知春
《戇戇不知春》Gōng-gōng Put-ti Tshun
張秀卿Tiunn Siù-khing
——————————————
冬天的面漸紅
tang-thinn ê bīn tsiām âng
春天的跤未到
tshun-thinn ê kha buē kàu
阮的青春
gún ê tshing-tshun
漸漸老去
tsiām-tsiām lāu–khì
幸福嘛無消息
hīng-hok mā bô siau-sit
總嘛是無心情
tsóng mā sī bô-sim-tsîng
等待春來臨
tán-thāi tshun lâi-lîm
山盟海誓
san-bîng hái-sè
佮阮無緣
kah gún bô-iân
佮阮無仝心
kah gún bô-kāng sim
心內話講袂出來
sim-lāi uē kóng buē tshut–lâi
目屎只有枕頭知
ba̍k-sái tsí-ū tsím-thâu tsai
向望一个好情愛
ǹg-bāng tsi̍t-ê hó tsîng-ài
偏偏緣份攏袂來
phian-phian iân-hūn lóng buē lâi
心內話講袂出來
sim-lāi uē kóng buē tshut–lâi
心事只有風了解
sim-sū tsí-ū hong liáu-kái
千金萬金阮無愛
tshian kim bān kim gún bô-ài
只要愛情趕緊來
tsí-iàu ài-tsîng kuánn-kín lâi
阮的鼻頭酸酸
gún ê phīnn-thâu sng-sng
阮的目屎滾滾
gún ê ba̍k-sái kún-kún
阮的悲傷
gún ê pi-siong
踮佇冬天
tiàm-tī tang-thinn
戇戇不知春
gōng-gōng put-ti tshun
