閒花嘆
《閒花嘆》Hân-hua Thàn
純純Sûn-sûn(劉清香Lâu Tshing-hiong)
——————————————
想當初糖蜜甜
siūnn tong-tshoo thn̂g-bi̍t-tinn
為家貧拆分離
uī ka pîn thiah hun-lî
東西別兩鄉里
tang-sai pia̍t lióng hiunn-lí
鴛鴦情失了去
uan-iunn tsîng sit liáu-khì
牛郎織女欲相見
Gû-nn̂g Tsit-lú bueh sio-kìnn
每年在天河邊
muí-nî tsāi thinn-hô pinn
阮的七夕待何時
guán ê tshit-sia̍h thāi hô-sî
目屎流滿盡時
ba̍k-sái lâu muá-tsīn sî
君在外路頭遠
kun tsāi guā lōo-thâu hn̄g
阮掛念心頭酸
gún khuà-liām sim-thâu sng
待何時會回轉
thāi hô-sî ē huê-tńg
免你妻掛心腸
bián lí tshe kuà sim-tn̂g
看人雙對看月光
khuànn-lâng siang-tuì khuànn gue̍h-kng
咱十五在何方
lán tsa̍p-gōo tsāi hô-hng
暝日目屎準菜飯
mî-ji̍t ba̍k-sái tsún tshài-pn̄g
思郎君瘦青黃
su lông-kun sán tshinn-n̂g
