請你冷靜想
《請你冷靜想》Tshiánn Lí Líng-tsīng Siūnn
李雅芳Lí Ngá-hong
——————————————
自彼日佮阮離開
tsū hit-ji̍t kah gún lī-khui
你是怎樣攏毋來
lí sī tsuánn-iūnn lóng m̄ lâi
害著阮心情寂寞
hāi-tio̍h gún sim-tsîng tsi̍k-bo̍k
一直等待
it-ti̍t tán-thāi
希望你應該著愛
hi-bāng lí ing-kai tio̍h-ài
冷靜來想看覓
líng-tsīng lâi siūnn khuànn-māi
咱雙人友誼
lán siang-lâng iú-gî
逐家攏真知
ta̍k-ke lóng tsin tsai
毋通來為著誤會
m̄-thang lâi uī-tio̍h gōo-huē
怨恨在心內
uàn-hūn tsāi sim-lāi
踮學校咱來分開
tiàm ha̍k-hāu lán lâi hun-khui
算來已經一個月
sǹg lâi í-king tsi̍t kò-ge̍h
雖然是自從彼日
sui-jiân sī tsū-tsiông hit-ji̍t
咱無相會
lán bô siong-huē
阮猶原時常探聽
gún iu-guân sî-siông thàm-thiann
你每日的經過
lí muí-ji̍t ê king-kè
有啥物心事
ū siánn-mih sim-sū
互相著坦白
hōo-siong tio̍h thán-pe̍h
毋通來拍䆀感情
m̄-thang lâi phah-bái kám-tsîng
激氣無講話
kik-khì bô kóng-uē
咱已經欲入初中
lán í-king beh ji̍p tshoo-tiong
努力求著好將來
lóo-li̍k kiû tio̍h hó tsiong-lâi
並毋是毋捌理由
pīng m̄ sī m̄-bat lí-iû
彼个時代
hit ê sî-tāi
期待你帶念早前
kî-thāi lí tài-liām tsá-tsîng
你我的友情愛
lí guá ê iú-tsîng-ài
咱雙人性癖
lán siang-lâng sìng-phiah
逐家攏真知
ta̍k-ke lóng tsin tsai
毋通來受人中傷
m̄-thang lâi siū-lâng tiòng-siong
抱怨在心內
phāu-uàn tsāi sim-lāi
