薄命青春夢
《薄命青春夢》Po̍k-bīng Tshing-tshun Bāng
王秀如Ông Siù-jû
——————————————
月色光光
ge̍h-sik kng-kng
阮規暝心頭酸
gún kui-mî sim-thâu sng
思念著彼个人
su-liām tio̍h hit ê lâng
自彼日來離開
tsū hit-ji̍t lâi lī-khui
到今也無倒轉
kàu-tann iā bô tò-tńg
放阮孤單守家門
pàng gún koo-tuann siú ka-mn̂g
全然無拍算
tsuân-jiân bô phah-sǹg
辜負著阮青春
koo-hū tio̍h gún tshing-tshun
怨嘆日頭長
uàn-thàn ji̍t-thâu tn̂g
風冷冰冰
hong líng-ping-ping
吹失去桌邊燈
tshue-sit khì toh-pinn ting
無同情阮一人
bô tông-tsîng gún tsi̍t-lâng
日連暝
ji̍t liân-mî
心稀微
sim hi-bî
過著暗淡人生
kè tio̍h àm-tām jîn-sing
夜蟲為我抱不平
iā-thâng uī guá phāu put-phîng
啼叫聲無停
thî-kiò siann bô-thîng
夢中的好郎君
bāng-tiong ê hó lông-kun
怎樣遮無情
tsuánn-iūnn tsiah bô-tsîng
天色暗青
thinn-sik àm-tshinn
伴著阮心酸悲
phuānn tio̍h gún sim sng-pi
懷念著彼个人
huâi-liām tio̍h hit ê lâng
行出來水池邊
kiânn tshut-lâi tsuí-tî pinn
想起初戀彼時
siūnn-khí tshoo-luân hit-sî
約束永遠無變心
iok-sok íng-uán bô piàn-sim
雙人情意甜
siang-lâng tsîng-ì tinn
薄命的青春夢
po̍k-bīng ê tshing-tshun bāng
醒來心空虛
tshínn–lâi sim khang-hi
