等待好天
《等待好天》Tán-thāi Hó-thinn
荒山亮Hong-san Liāng
——————————————
嘿~一定會慢慢變好天
heh~ it-tīng ē bān-bān piàn hó-thinn
嘿~袂使放棄
heh~ buē-sái hòng-khì
將這段歹行的路
tsiong tsit tuānn pháinn-kiânn ê lōo
黜過去
thuh–kuè-khì
揣著彼个
tshuē-tio̍h hit ê
自由自在的家己
tsū-iû tsū-tsāi ê ka-kī
嘿~偷偷哭過
heh~ thau-thau khàu–kuè
是啥物滋味
sī siánn-mih tsu-bī
嘿~敢欲閣吐大氣
heh~ kám beh koh thóo-tuā-khuì
若無彼寡捶心肝的代誌
nā bô hit kuá tuî-sim-kuann ê tāi-tsì
欲哪會揣著
beh ná ē tshuē-tio̍h
咱存在的證據
lán tsûn-tsāi ê tsìng-kì
有偌濟得著的失去的
ū guā tsē tit–tio̍h-ê sit–khì-ê
攏會過去
lóng ē kuè–khì
有啥物傷心的痛苦的
ū siánn-mih siong-sim–ê thòng-khóo–ê
攏放予去
lóng pàng hōo khì
總有一工
tsóng ū-tsi̍t-kang
一定會摸著幸福的邊
it-tīng ē bong tio̍h hīng-hok ê pinn
帶著屬於咱的愛
tuà tio̍h sio̍k-î lán ê ài
向遠遠的所在飛去
hiòng hn̄g-hn̄g ê sóo-tsāi pue–khì
—
嘿~故事會繼續搬落去
heh~ kòo-sū ē kè-sio̍k puann–lo̍h-khì
嘿~提出勇氣
heh~ the̍h tshut ióng-khì
只有家己
tsí-ū ka-kī
會當改變家己
ē-tàng kái-piàn ka-kī
等待好天的時
tán-thāi hó-thinn ê sî
重新開始
tiông-sin khai-sí
