春夢一時空
《春夢一時空》Tshun-bāng Tsi̍t-sî Khang
翁源賜Âng Guân-sù
——————————————
為情為愛走天涯
uī tsîng uī ài tsáu thian-gâi
過了山坡青春嶺
kè-liáu suann-pho tshing-tshun niá
舊皮箱的流浪兒
kū phuê-siunn ê liû-lōng-jî
傷心到何時
siong-sim kàu hô-sî
只有星星知我心
tsí-iú sing-sing ti ngóo sim
是愛到入骨
sī ài kàu ji̍p-kut
抑是恨伊到入骨
ia̍h-sī hūn i kàu ji̍p-kut
啊~春夢一時空
ah~ tshun-bāng it-sî khang
受盡春風秋雨滴
siū-tsīn tshun-hong tshiu-hōo tih
半食半餓走千里
puànn-tsia̍h puànn-gō tsáu tshian-lí
看見藍色的街燈
khuànn-kìnn nâ-sik ê kue-ting
懷念著鄉里
huâi-liām tio̍h hiunn-lí
秋風夜雨
tshiu-hong iā-hōo
何用著為阮月夜愁
hô iōng-tio̍h uī gún gua̍t-iā tshiû
赤膽男子漢運命
tshiah-tánn lâm-tsú-hàn ūn-miā
啊~春夢一時空
ah~ tshun-bāng it-sî khang
無論是行東往西
bô-lūn sī kiânn-tang óng-sai
無論是走北落南
bô-lūn sī tsáu-pak lo̍h-lâm
阮猶原是心碎的
gún iu-guân sī sim-tshuì ê
狼狽的兄弟
liông-puē ê hiann-tī
毋知明日去何處
m̄-tsai bîng-ji̍t khì hô-tshù
請問南風吹
tshiánn-mn̄g lâm-hong tshue
請問難忘彼个人
tshiánn-mn̄g lân-bōng hit ê lâng
啊~春夢一時空
ah~ tshun-bāng it-sî khang
