愛你的夢
《愛你的夢》Ài Lí ê Bāng
袁小迪Uân Sió-ti̍k
——————————————
行過霜冷的秋冬
kiânn kuè sng-líng ê tshiu-tang
心內猶原有掛念
sim-lāi iu-guân ū kuà-liām
你我的感情
lí guá ê kám-tsîng
攏一直毋願放
lóng it-ti̍t m̄-guān pàng
啥人陪伴阮的夢
siánn-lâng puê-phuānn gún ê bāng
只有孤單每一暗
tsí-ū koo-tuann muí tsi̍t-àm
醒來只賰枕頭澹
tshínn–lâi tsí tshun tsím-thâu tâm
看無你的人
khuànn-bô lí ê lâng
當初愛你有偌重
tong-tshoo ài lí ū guā tāng
我的心就有偌茫
guá ê sim tiō ū guā bâng
為你我心甘情願
uī lí guá sim kam tsîng guān
等待相逢彼一工
tán-thāi siong-hông hit tsi̍t-kang
用我所有的思念
iōng guá sóo-ū ê su-liām
編織愛你的情網
pian-tsit ài lí ê tsîng-bāng
予我今生
hōo guá kim-sing
愛你到永遠
ài lí kàu íng-uán
