勸少年
《勸少年》Khǹg Siàu-liân
神龍合唱團Sîn-liông Ha̍p-tshiùnn-thuân
——————————————
愛開愛跋久就散
ài khai ài pua̍h kú tiō sàn
毋通講是無相干
m̄-thang kóng sī bô-siong-kan
金銀財寶無制限
kim-gûn tsâi-pó bô tsè-hān
開盡生活就困難
khai tsīn sing-ua̍h tiō khùn-lân
啊就困難
ah tiō khùn-lân
啊就困難喔
ah tiō khùn-lân–ooh
有人開了田煞賣
ū-lâng khai liáu tshân suah buē
啉酒喝拳講笑詼
lim-tsiú huah-kûn kóng-tshiò-khe
爽快代先艱苦尾
sóng-khuài tāi-sing kan-khóo bué
無顧家己的面皮
bô-kòo ka-kī ê bīn-phuê
啊的面皮
ah ê bīn-phuê
啊的面皮喔
ah ê bīn-phuê–ooh
諸位好朋友
tsu-uī hó pîng-iú
欸
eh
歹囝著早收
pháinn-kiánn tio̍h tsá siu
著著著
tio̍h tio̍h tio̍h
景氣遮䆀愛研究
kíng-khì tsiah bái ài gián-kiù
呣,有理有理
mh, ū-lí ū-lí
毋通全心想風流
m̄-thang tsuân-sim siūnn hong-liû
著著著
tio̍h tio̍h tio̍h
千年狐狸皮真韌
tshian-nî hôo-lî phuê tsin jūn
比豬母肉較僫?
pí ti-bó bah khah oh kûn
若予迷著微微睏
nā hōo bê–tio̍h bî-bî khùn
滿身麻痺蟯蟯顫
muá-sin bâ-pì ngiauh-ngiauh tsùn
啊蟯蟯顫
ah ngiauh-ngiauh tsùn
啊蟯蟯顫喔
ah ngiauh-ngiauh tsùn–ooh
歹運走入狐狸洞
pháinn-ūn tsáu ji̍p hôo-lî tōng
若予迷著人煞悾
nā hōo bê–tio̍h lâng suah khong
毋管重要話亂講
m̄-kuán tiōng-iàu uē luān-kóng
萬項代誌不知防
bān-hāng tāi-tsì put-ti hông
啊不知防
ah put-ti hông
啊不知防喔
ah put-ti hông–ooh
毋信斟酌想
m̄-sìn tsim-tsiok siūnn
好啦
hó–lah
若中迷魂香
nā tiòng bê-hûn-hiunn
喔~
ooh~
宮中若無陰陽樣
kiong-tiong nā-bô im-iông iūnn
煞肯抽兵做前程
suah khíng thiu ping tsuè tsiân-tîng
?迌方法研究透
tshit-thô hong-huat gián-kiù thàu
煙花查某毋通交
ian-hua tsa-bóo m̄-thang kau
愛錢伊就用海口
ài tsînn i tō iōng hái-kháu
了錢煞予笑戇猴
liáu-tsînn suah hōo tshiò gōng-kâu
啊笑戇猴
ah tshiò gōng-kâu
啊笑戇猴喔
ah tshiò gōng-kâu–ooh
真心查某真僫揣
tsin-sim tsa-bóo tsin oh tshuē
全島欲揣無幾个
tsuân-tó bueh tshuē bô kuí-ê
全是認錢做人客
tsuân sī jīn tsînn tsuè lâng-kheh
錢銀開了用喙花
tsînn-gûn khai liáu iōng tshuì hue
啊用喙花
ah iōng tshuì hue
啊用喙花喔
ah iōng tshuì hue–ooh
花間迷魂壇
hue-king bê-hûn tuânn
法術千萬般
huat-su̍t tshian-bān puann
好厲害喔
hǎo lìhài–ooh
看人閣用目尾看
khuànn lâng koh iōng ba̍k-bué khuànn
啊昏去矣啦
ah hūn–khì ah-lah
兩眼買收人心肝
lióng-gán bé-siu lâng sim-kuann
勸恁風流眾兄弟
khǹg lín hong-liû tsiòng hiann-tī
若欲?迌著細膩
nā beh thit-thô tio̍h suè-jī
查某若對咱好意
tsa-bóo nā tuì lán hó-ì
千萬毋通了戇錢
tshian-bān m̄-thang liáu gōng-tsînn
啊了戇錢
ah liáu gōng-tsînn
啊了戇錢喔
ah liáu gōng-tsînn–ooh
勸恁風流著反悔
khǹg lín hong-liû tio̍h huán-hué
毋通全心想採花
m̄-thang tsuân-sim siūnn tshái-hue
聽阮奉勸幾句話
thiann gún hōng-khǹg kuí-kù uē
毋信請教各先輩
m̄-sìn tshíng-kàu kok sian-puè
啊各先輩
ah kok sian-puè
啊各先輩喔
ah kok sian-puè–ooh
少年愛拖磨
siàu-liân ài thua-buâ
著著著
tio̍h tio̍h tio̍h
毋通來奢華
m̄-thang lâi tshia-hua
媠媠媠
suí suí suí
第一太太著愛娶
tē-it thài-thài tio̍h-ài tshuā
有理有理有理
ū-lí ū-lí ū-lí
生囝傳孫規大拖
sinn-kiánn thuân-sun kui-tuā-thua
著著著啦
tio̍h tio̍h tio̍h lah
