懷念的華爾滋
《懷念的華爾滋》Huâi-liām ê Ua-lú-tsuh
袁小迪Uân Sió-ti̍k
——————————————
想彼時有路無厝
siūnn hit-sî ū lōo bô tshù
四界盤撋唱注
sì-kè puânn-nuá tshiàng-tù
刀光劍影
to-kong kiàm-iánn
毋願認輸
m̄-guān jīn-su
傷痕累累滿身軀
siong-hûn luí-luí muá sin-khu
細漢放浪毋讀書
sè-hàn hòng-lōng m̄ tha̍k-tsu
落魄有夠久
lo̍k-phik ū-kàu kú
無意中佮你相遇
bô-ì-tiong kah lí sio-gū
改變我遭遇
kái-piàn guá tso-gū
浪子回頭猶閣會赴
lōng-tsú huê-thâu iáu-koh ē-hù
毋通頓蹬佮躊躇
m̄-thang tùn-tenn kah tiû-tû
你的話一直到現在
lí ê uē it-ti̍t kàu hiān-tsāi
永永遠遠記會住
íng-íng-uán-uán kì ē-tsū
想彼時有你相扶
siūnn hit-sî ū lí sio-hû
人生路途無心事
jîn-sing lōo-tôo bô sim-sū
聽你唱歌佮你跳舞
thiann lí tshiùnn-kua kah lí thiàu-bú
上愛彼條華爾滋
siōng ài hit tiâu ua-lú-tsuh
這是十年的往事
tse sī tsa̍p-nî ê óng-sū
分開有夠久
hun-khui ū-kàu kú
聽人講你也已經
thiann lâng kóng lí iā í-king
嫁人做新婦
kè lâng tsuè sin-pū
希望你會好好仔過日
hi-bāng lí ē hó-hó-á kè-ji̍t
心內祝福兩三句
sim-lāi tsiok-hok nn̄g-sann kù
心肝內較想也彼首
sim-kuann-lāi khah siūnn iā hit siú
懷念的華爾滋
huâi-liām ê ua-lú-tsuh
