拍拚
《拍拚》Phah-piànn
閃亮三姊妹Siám-liāng Sann-tsí-muē
——————————————
路愛慢慢行
lōo ài bān-bān-kiânn
小心小心毋通踏差
sió-sim sió-sim m̄-thang ta̍h-tsha
雖然有一份沉重心情
sui-jiân ū tsi̍t-hūn tîm-tāng sim-tsiânn
阮猶原心掠定
gún iu-guân sim lia̍h-tiānn
人生路歹行
jîn-sing lōo pháinn-kiânn
千辛萬苦
tshian-sin bān-khóo
我也毋驚
guá iā m̄-kiann
一粒隨風飄浪的心情
tsi̍t-lia̍p suî hong phiau-lōng ê sim-tsiânn
吞忍著委屈佮孤單
thun-lún tio̍h uí-khut kah koo-tuann
啊~未來會按怎
ah~ bī-lâi ē án-tsuánn
若無行落去
nā bô kiânn–lo̍h-khì
毋知影
m̄ tsai-iánn
啊~拍拚拍拚
ah~ phah-piànn phah-piànn
每日拚輸贏
muí-ji̍t piànn-su-iânn
予咱行路有風
hōo lán kiânn-lōo ū hong
真奢颺
tsin tshia-iānn
啊~拍拚拍拚
ah~ phah-piànn phah-piànn
毋願來認命
m̄-guān lâi jīn-miā
咱攑頭向天
lán gia̍h-thâu hiòng thinn
向前行
hiòng-tsiân kiânn
