愛的世界
《愛的世界》Ài ê Sè-kài
閃亮三姊妹Siám-liāng Sann-tsí-muē
——————————————
音樂的聲音
im-ga̍k ê siann-im
閣再響起
koh-tsài hiáng khí
你佮我做伙來鬥陣
lí kah guá tsuè-hué lâi tàu-tīn
舞臺的燈光
bú-tâi ê ting-kng
閃閃爍爍
siám-siám-sih-sih
猶嘛有你佇我的身邊
iáu mā ū lí tī guá ê sin-pinn
用阮的熱情唱的歌聲
iōng gún ê jia̍t-tsîng tshiùnn ê kua-siann
想欲來感動你的心肝
siūnn-beh lâi kám-tōng lí ê sim-kuann
拍開阮跤步
phah khui gún kha-pōo
做你舞伴
tsuè lí bú-phuānn
這是你對我的邀請
tse sī lí tuì guá ê iau-tshiánn
不知不覺
put-ti-put-kak
已經習慣有你的生活
í-king si̍p-kuàn ū lí ê sing-ua̍h
綴你一路行來
tuè lí tsi̍t-lōo kiânn–lâi
行到遮
kiânn kàu tsia
請毋通辜負我的愛
tshiánn m̄-thang koo-hū guá ê ài
追求幸福毋免等待
tui-kiû hīng-hok m̄-bián tán-thāi
給我一個Five
gěi wǒ yìge Five
Give Me Five
自由自在
tsū-iû-tsū-tsāi
趕緊放下一切
kuánn-kín hòng-hā it-tshè
行入未來
kiânn-ji̍p bī-lâi
享受這个Happy Tonight
hiáng-siū tsit êHappy Tonight
請綴我來
tshiánn tuè guá lâi
今夜就是
kim-iā tiō-sī
咱的兩人世界
lán ê nn̄g-lâng sè-kài
給我一個Five
gěi wǒ yìge Five
Give Me Five
自由自在
tsū-iû-tsū-tsāi
請你牽阮的手
tshiánn lí khan gún ê tshiú
好好對待
hó-hó tuì-thāi
享受這个
hiáng-siū tsit ê
Happy Tonight Don’t Say Goodbye
今夜為你創造愛的世界
kim-iā uī lí tshòng-tsō ài ê sè-kài
