愛司奶
《愛司奶》Ài Sai-nai
閃亮三姊妹Siám-liāng Sann-tsí-muē
——————————————
你講愛情已經不在
lí kóng ài-tsîng í-king put-tsāi
對我無法閣再忍耐
tuì guá bô-huat koh-tsài jím-nāi
上好是將你放開
siōng-hó sī tsiong lí pàng–khui
愛我是遐爾仔無奈
ài guá sī hiah-nī-á bô-nāi
較早感覺我真可愛
khah-tsá kám-kak guá tsin khó-ài
上愛是我會作怪
siōng ài sī guá ē tsok-kuài
毋管我按怎司奶
m̄-kuán guá án-tsuánn sai-nai
你就是遐爾仔囂俳
lí tiō-sī hiah-nī-á hiau-pai
擺擺擺擺擺擺
pái-pái pái-pái pái-pái
過去的一切
kuè-khì ê it-tshè
就予伊擺擺擺
tiō hōo i pái-pái-pái
嗨嗨嗨嗨嗨嗨
hiah-haih haih-haih haih-haih
見面的一工講一聲
kìnn-bīn ê tsi̍t-kang kóng tsi̍t-siann
嗨嗨嗨
haih-haih-haih
愛愛愛愛愛愛
ài ài ài ài ài ài
加倍的折磨
ka-puē ê tsiat-buâ
贏袂過我的愛
iânn buē-kuè guá ê ài
噯噯噯噯噯噯
aih-aih aih-aih aih-aih
青春過去矣
tshing-tshun kuè–khì ah
是悲哀
sī pi-ai
無需要你來了解
bô su-iàu lí lâi liáu-kái
這馬是一个新時代
tsit-má sī tsi̍t-ê sin sè-tāi
踮佇感情的世界
tiàm-tī kám-tsîng ê sè-kài
我是上大牌
guá sī siōng tuā-pâi
