幸福的手機聲
《幸福的手機聲》Hīng-hok ê Tshiú-ki Siann
閃亮三姊妹Siám-liāng Sann-tsí-muē
——————————————
逐家問我
ta̍k-ke mn̄g guá
為何逐工笑咪咪
uī-hô ta̍k-kang tshiò bi-bi
因為有你的關懷
in-uī ū lí ê kuan-huâi
陪伴阮身邊
puê-phuānn gún sin-pinn
毋管是風颱
m̄-kuán sī hong-thai
抑是落雨天
ia̍h-sī lo̍h-hōo-thinn
只要有你
tsí-iàu ū lí
生活有趣味
sing-ua̍h ū tshù-bī
毋管是事業感情
m̄-kuán sī sū-gia̍p kám-tsîng
抑是咧相思
ia̍h-sī teh siunn-si
只要你佇阮身邊
tsí-iàu lí tī gún sin-pinn
煩惱算啥物
huân-ló sǹg siánn-mih
透早起床
thàu-tsá khí-tshn̂g
一直到深更
it-ti̍t kàu tshim-kinn
阮會永遠
gún ē íng-uán
感覺心頭開
kám-kak sim-thâu khui
只要聽著你的聲音
tsí-iàu thiann-tio̍h lí ê siann-im
煩惱就袂再來膏膏纏
huân-ló tiō buē tsài lâi ko-ko-tînn
生活嘛會過了較有意義
sing-ua̍h mā ē kuè-liáu khah ū ì-gī
毋管你咧無閒啥物
m̄-kuán lí teh bô-îng siánn-mih
放予輕鬆
pàng hōo khin-sang
也沒有關係
yě méiyǒu guānxi
只要你思念阮的情
tsí-iàu lí su-liām gún ê tsîng
煩惱暫時請一邊
huân-ló tsiām-sî tshiánn tsi̍t-pinn
美滿幸福
bí-buán hīng-hok
就會四界滿滿是
tiō ē sì-kè muá-muá-sī
無論是春夏秋冬
bô-lūn sī tshun-hā tshiu-tang
好天落雨
hó-thinn lo̍h-hōo
逐工攏歡喜
ta̍k-kang lóng huann-hí
只要你永遠牽阮
tsí-iàu lí íng-uán khan gún
佇你身軀邊
tī lí sin-khu-pinn
想你就攑起電話
siūnn lí tiō gia̍h khí tiān-uē
隨時來Call-in
suî-sî lâi Call-in
幸福的手機若響
hīng-hok ê tshiú-ki nā hiáng
咱就會陪伴在身邊
lán tiō ē puê-phuānn tsāi sin-pinn
