一生啊
《一生啊》It-sing–ah
馬句Má-kù(施聰猛Si Tshong-bíng, 泉州)
——————————————
我放蕩了一生
guá hòng-tōng liáu it-sing
笑看世事險人心
tshiàu-khàn sè-sū hiám jîn-sim
兩字啊相伨
nn̄g-jī–ah sio-thīn
是非敢講會真
sī-hui kám kóng ē tsin
我執迷了一生
guá tsip-bê liáu it-sing
啊~輕談塵緣情
ah~ khin tâm tîn-iân tsîng
風霜夜霧深
hong-song iā-bū tshim
漂泊不歸人
phiau-po̍k put-kui jîn
一杯酒乾落去
tsi̍t-pue tsiú kan–lo̍h-khì
敬著浮華的年紀
kìng tio̍h hû-huâ ê nî-kí
一枝薰點過去
tsi̍t-ki hun tiám kuè-khì
沉淪歲月的滋味
tîm-lûn suè-gua̍t ê tsu-bī
一條路行落去
tsi̍t-tiâu lōo kiânn–lo̍h-khì
坎坷旅途的孤兒
khám-khia̍t lú-tôo ê koo-jî
一粒心看過去
tsi̍t-lia̍p sim khuànn kuè-khì
走揣堅定的勇氣
tsáu-tshuē kian-tīng ê ióng-khì
一生啊蹉跎去
it-sing–ah tsho-tô–khì
怎怨青春
tsuánn uàn tshing-tshun
換無一片天
uānn bô tsi̍t-phìnn thinn
