金門姑娘之戀
《金門姑娘之戀》Kim-mn̂g Koo-niû tsi Luân
文夏Bûn-hā
——————————————
白白的海湧噴起
pe̍h-pe̍h ê hái-íng phùn khí
金門灣的黃昏時
Kim-mn̂g-uan ê hông-hun sî
送君的心情綿綿
sàng kun ê sim-tsîng mî-mî
姑娘踮海邊
koo-niû tiàm hái-pinn
相逢的快樂日子
siong-hông ê khuài-lo̍k ji̍t-tsí
今日總是成過去
kim-ji̍t tsóng-sī sîng kuè-khì
情侶的退伍轉鄉
tsîng-līê thè-ngóo tńg-hiong
毋知相會等何時
m̄-tsai siong-huē tán hô-sî
含喙脣忍耐痛苦
kâm tshuì-tûn jím-nāi thòng-khóo
更加珠淚滴
kìng-ka tsu-luī tih
欲開去臺灣基隆
beh khui khì Tâi-uân Ke-lâng
抑是開去高雄港
ia̍h-sī khui khì Ko-hiông-káng
留烏雲浮在半天
lâu oo-hûn phû tsāi puànn-thinn
火船欲出帆
hué-tsûn beh tshut-phâng
純情的金門姑娘
sûn-tsîng ê Kim-mn̂g koo-niû
送君離別心悲傷
sàng kun lî-pia̍t sim pi-siong
假使會得通綴去
khá-sú ē-tit-thang tuè khì
心內所愛彼个人
sim-lāi sóo ài hit ê lâng
心頭的憂悶
sim-thâu ê iu-būn
毋知怎樣會輕鬆
m̄-tsai tsuánn-iūnn ē khin-sang
祈禱天會來保庇
kî-tó thinn ē lâi pó-pì
風波毋通來透起
hong-pho m̄-thang lâi thàu-khí
船的燈閃閃爍爍
tsûn ê ting siám-siám-sih-sih
情絲斷袂離
tsîng-si tuān bē-lī
厚情的金門姑娘
kāu-tsîng ê Kim-mn̂g koo-niû
依依不捨的一時
i-i put-siá ê tsi̍t-sî
有消息按怎通知
ū siau-sit án-tsuánn thong-ti
遙望海角的天邊
iâu-bāng hái-kak ê thinn-pinn
君踮東阮踮西的
kun tiàm tang gún tiàm sai–ê
暝暝嘆稀微
mî-mî thàn hi-bî
