秋風夜雨割心腸
《秋風夜雨割心腸》Tshiu-hong Iā-ú Kuah Sim-tn̂g
文鶯Bûn-ing
——————————————
黃昏日頭墜落山
hông-hun ji̍t-thâu tuī lo̍h-suann
暗風陣陣來
àm-hong tsūn-tsūn lâi
今夜你來抑毋來
kim-iā lí lâi ia̍h m̄-lâi
總是等看覓
tsóng–sī tán khuànn-māi
你敢毋知阮心內
lí kám m̄-tsai gún sim-lāi
為你暗悲哀
uī lí àm pi-ai
啊~若想起你我情愛
ah~ nā siūnn-khí lí guá tsîng-ài
珠淚滴落來
tsu-luī tih–lo̍h-lâi
窗外秋風吼聲悲
thang-guā tshiu-hong háu-siann pi
雨水點點滴
hōo-tsuí tiám-tiám tih
孤單坐在窗仔邊
koo-tuann tsē tsāi thang-á pinn
想你心綿綿
siūnn lí sim mî-mî
思思念念日連暝
su-su-liām-liām ji̍t liân-mî
為你亂心機
uī lí luān sim-ki
啊~若想起你我情愛
ah~ nā siūnn-khí lí guá tsîng-ài
已經斷袂離
í-king tuān buē-lī
秋風夜雨割心腸
tshiu-hong iā-hōo kuah sim-tn̂g
為你心頭酸
uī lí sim-thâu sng
孤單等到天欲光
koo-tuann tán-kàu thinn beh kng
傷心跤手軟
siong-sim kha-tshiú nńg
看破自己愛拍算
khuànn-phuà tsū-kí ài phah-sǹg
情絲著愛斷
tsîng-si tio̍h-ài tn̄g
啊~若想起你我眠夢
ah~ nā siūnn-khí lí guá bîn-bāng
已經無所向
í-king bû-sóo ǹg
