思念嫁去彼个人
https://www.youtube.com/watch?v=U3LuGrnH1Fg
《思念嫁去彼个人》Su-liām Kè–khì Hit ê Lâng
文夏Bûn-hā
——————————————
我心想欲袂記的
guá sim siūnn-beh bē-kì ê
初戀彼个人
tshoo-luân hit ê lâng
為怎樣嫁了一年
uī-tsuánn-iūnn kè liáu tsi̍t-nî
又閣會想起
iū-koh ē siūnn-khí
伊這陣毋知怎樣
i tsit-tsūn m̄-tsai tsuánn-iūnn
過著伊日子
kè tio̍h i ji̍t-tsí
若是我轉來故鄉
nā-sī guá tńg-lâi kòo-hiong
無聊過日子
bô-liâu kè ji̍t-tsí
啊~你這陣在哪裡
ah~ lí tsit-tsūn tsāi ná-lí
思念嫁去彼个人
su-liām kè–khì hit ê lâng
踮在港墘
tiàm-tsāi káng-kînn
聽見著
thiann-kìnn tio̍h
人咧唱戀歌
lâng teh tshiùnn luân-kua
加添著阮的心內
ka-thiam tio̍h gún ê sim-lāi
無限的憂悶
bô-hān ê iu-būn
為怎樣你會放我
uī-tsuánn-iūnn lí ē pàng guá
嫁予別个人
kè hōo pa̍t-ê lâng
來予我心內毋甘
lâi hōo guá sim-lāi m̄-kam
為你流珠淚
uī lí lâu tsu-luī
啊~時常來叫著你
ah~ sî-siông lâi kiò tio̍h lí
思念嫁去彼个人
su-liām kè–khì hit ê lâng
懷念彼時咱雙人
huâi-liām hit-sî lán siang-lâng
甘蜜的戀夢
kam-bi̍t ê luân-bāng
無疑會今日變了
bô-gî ē kim-ji̍t piàn liáu
一場的眠夢
tsi̍t-tiûnn ê bîn-bāng
等何時才會予我
tán hô-sî tsiah ē hōo guá
完全會袂記
uân-tsuân ē bē-kì
可憐我猶原一个
khó-liân guá iu-guân tsi̍t-ê
悶悶咧過日
būn-būn teh kè-ji̍t
啊~提起著伊相片
ah~ thê-khí tio̍h i siòng-phìnn
思念嫁去彼个人
su-liām kè–khì hit ê lâng
