飛入你的窗
《飛入你的窗》Pue Ji̍p Lí ê Thang
洪榮宏Âng Îng-hông
——————————————
一个人輕輕鬆鬆
tsi̍t-ê-lâng khin-khin-sang-sang
無煩無惱咧眠夢
bô-huân-bô-ló teh bîn-bāng
等何時總有一工
tán hô-sî tsóng ū-tsi̍t-kang
飛入你的窗
pue ji̍p lí ê thang
一陣風吹來清芳
tsi̍t-tsūn hong tshue lâi tshing-phang
親像你的長頭鬃
tshin-tshiūnn lí ê tn̂g thâu-tsang
我哪會面遮爾紅
guá ná ē bīn tsiah-nī âng
心事無地藏
sim-sū bô-tè tshàng
浮浮沉沉的人生
phû-phû-tîm-tîm ê jîn-sing
欲踮佗位才會停
beh tiàm tó-uī tsiah ē thîng
起起落落的心情
khí-khí-lo̍h-lo̍h ê sim-tsîng
毋知怎樣來表明
m̄-tsai tsuánn-iūnn lâi piáu-bîng
甘甜酸苦
kam-tinn sng-khóo
分攏袂清
hun lóng buē-tshing
因為你多變的個性
in-uī lí to-piàn ê kò-sìng
