舊情難得放
《舊情難得放》Kū-tsîng Lân-tit Pàng
洪榮宏Âng Îng-hông
——————————————
這敢是一場眠夢
tse kám-sī tsi̍t-tiûnn bîn-bāng
敢猶有希望
kám iáu-ū hi-bāng
彷彿親像咧眠夢
hóng-hut tshin-tshiūnn teh bîn-bāng
心情也沉重
sim-tsîng iā tîm-tāng
風微微
hong bî-bî
吹紗窗
tshue se-thang
拍醒我的夢
phah-tshínn guá ê bāng
較想也是你一人
khah siūnn iā-sī lí tsi̍t-lâng
舊情難得放
kū-tsîng lân-tit pàng
心內猶原有所望
sim-lāi iu-guân ú-sóo bāng
佮你團圓有希望
kah lí thuân-înn ū hi-bāng
這毋是一場眠夢
tse m̄-sī tsi̍t-tiûnn bîn-bāng
相信有希望
siong-sìn ū hi-bāng
毋通每日心茫茫
m̄-thang muí-ji̍t sim bâng-bâng
心情愛輕鬆
sim-tsîng ài khin-sang
風吹送
hong tshue-sàng
花清芳
hue tshing-phang
滋潤我的夢
tsu-jūn guá ê bāng
心內只有你一人
sim-lāi tsí-ū lí tsi̍t-lâng
深情難得放
tshim-tsîng lân-tit pàng
心內期待有所望
sim-lāi kî-thāi ú-sóo bāng
完成愛情的美夢
uân-sîng ài-tsîng ê bí-bāng
