秋風女人心
《秋風女人心》Tshiu-hong Lú-jîn-sim
胡美紅Oô Bí-hông
——————————————
無疑誤踏錯路途
bô-gî-gōo ta̍h tshò lōo-tôo
今日受苦楚
kim-ji̍t siū khóo-tshóo
怨恨當初來糊塗
uàn-hūn tong-tshoo lâi hôo-tôo
愈想愈痛苦
jú siūnn jú thòng-khóo
無疑感情稀微
bô-gî kám-tsîng hi-bî
僥心來離開
hiau-sim lâi lī-khui
怨恨殘忍的男性
uàn-hūn tsân-jím ê lâm-sìng
予阮吐大氣
hōo gún thóo-tuā-khuì
無疑誤愛情心性
bô-gî-gōo ài-tsîng sim-sìng
烏白袂分明
oo-pe̍h buē hun-bîng
枉費女性的純情
óng-huì lú-sìng ê sûn-tsîng
誤了阮前程
gōo liáu gún tsiân-thîng
