業佃行進曲(上)
https://www.bilibili.com/s/video/BV1QV411y769
《業佃行進曲(上)》Gia̍p-tiān Hîng-tsìn-khik(Siōng)
秋蟾Tshiu-siâm
——————————————
頭家田佃眾兄弟
thâu-ke tshân-tiān tsiòng hiann-tī
來唱業佃這歌詩
lâi tshiùnn gia̍p tiān tse kua-si
講起耕農的代誌
kóng-khí king-lông ê tāi-tsì
總著業佃來相依
tsóng tio̍h gia̍p tiān lâi siong-i
現時政府有獎勵
hiān-sî tsìng-hú ū tsióng-lē
著來加入業佃會
tio̍h lâi ka-ji̍p gia̍p-tiān-huē
若有毋好總著改
nā ū m̄-hó tsóng tio̍h kué
改予業佃會好勢
kué hōo gia̍p ē lîng hó-sè
古早契約用喙講
kóo-tsá khuè-iok iōng tshuì kóng
此時來想真無通
tshú-sî lâi siūnn tsin bô-thong
時勢變遷不和同
sî-sè piàn-tshian put hô-tông
要緊契約著來創
iàu-kín khuè-iok tio̍h lâi tshòng
頭家毋通想租濟
thâu-ke m̄-thang siūnn tsoo tsuē
一久換佃幾若个
tsi̍t-kú uānn tiān kuí-nā ê
佃若會作著罔過
tiān nā ē tsoh tio̍h bóng kuè
過後田租自然加
kuè-āu tshân-tsoo tsū-jiân ke
現時智識有普及
hiān-sî tì-sik ū phóo-ki̍p
頭家毋通想固執
thâu-ke m̄-thang siūnn kòo-tsip
雙方契約若成立
song-hong khuè-iok nā sîng-li̍p
的確土地變高級
tik-khak thóo-tē piàn ko-kip
