我的真情感動你
《我的真情感動你》Guá ê Tsin-tsîng Kám-tōng Lí
洪榮宏Âng Îng-hông
——————————————
冷清清的海邊
líng tshing-tshing ê hái-pinn
佮你分開的暗暝
kah lí hun-khui ê àm-mî
這敢毋是一場夢
tse kám m̄-sī tsi̍t-tiûnn bāng
一場做袂了的夢
tsi̍t-tiûnn tsò buē-liáu ê bāng
啥人知我的美夢
siánn-lâng tsai guá ê bí-bāng
已經是完全無望
í-king sī uân-tsuân bô-bāng
你的心為怎樣予別人
lí ê sim ūi-tsuánn-iūnn hōo pa̍t-lâng
這一切毋免反悔
tse it-tshè m̄-bián huán-hué
海風吹來一陣陣
hái-hong tshue–lâi tsi̍t-tsūn-tsūn
悲傷的懷念歌聲
pi-siong ê huâi-liām kua-siann
想著彼時
siūnn-tio̍h hit-sî
想著過去
siūnn-tio̍h kè-khì
目箍紅
ba̍k-khoo âng
因為我毋是
in-uī guá m̄-sī
無情無義絕情的人
bô-tsîng bô-gī tsua̍t-tsîng ê lâng
啊~月娘請毋通
ah~ ge̍h-niû tshiánn m̄-thang
笑阮咧做眠夢
tshiò gún teh tsò-bîn-bāng
我的真愛
guá ê tsin-ài
我的真心
guá ê tsin-sim
我的真情
guá ê tsin-tsîng
一定會當感動你一人
it-tīng ē-tàng kám-tōng lí tsi̍t-lâng
