感情分開蹛
《感情分開蹛》Kám-tsîng Hun-khui Tuà
洪榮宏Âng Îng-hông
——————————————
第一擺被愛來傷害
tē-it pái pī ài lâi siong-hāi
毋知影付出的感情
m̄ tsai-iánn hù-tshut ê kám-tsîng
按怎收轉來
án-tsuánn siu tńg–lâi
離袂開你的世界
lī buē-khui lí ê sè-kài
一个人來結著目眉
tsi̍t-ê-lâng lâi kat tio̍h ba̍k-bâi
胭脂畫袂出
ian-tsi uē buē-tshut
雙人的真愛
siang-lâng ê tsin-ài
消失在心內
siau-sit tsāi sim-lāi
為按怎你的心肝
uī án-tsuánn lí ê sim-kuann
愛我嘛愛孤單
ài guá mā ài koo-tuann
忍心將感情分開蹛
jím-sim tsiong kám-tsîng hun-khui tuà
用思念來蹧躂我
iōng su-liām lâi tsau-that guá
為按怎你的心肝
uī án-tsuánn lí ê sim-kuann
傷我攏傷袂煞
siong guá lóng siong buē-suah
忍心將感情分開蹛
jím-sim tsiong kám-tsîng hun-khui tuà
用溫柔來欺騙我
iōng un-jiû lâi khi-phiàn guá
你放我佇遮
lí pàng guá tī tsia
你留你佇佗位徛
lí lâu lí tī tó-uī khiā
講人只要相愛
kóng lâng tsí-iàu siong-ài
何必要做陣行
hô-pit-iàu tsuè-tīn kiânn
