你我來做伙
《你我來做伙》Lí Guá Lâi Tsò-hué
洪榮宏Âng Îng-hông
——————————————
海風微微對面吹
hái-hong bî-bî tuì bīn tshue
心肝內真輕鬆
sim-kuann-lāi tsin khin-sang
看著天真古錐囡仔
khuànn-tio̍h thian-tsin kóo-tsui gín-á
咧覕相揣
teh bih-sio-tshuē
想起著細漢的時陣
siūnn-khí tio̍h suè-hàn ê sî-tsūn
真希望會當親像風
tsin hi-bāng ē-tàng tshin-tshiūnn hong
自由自在咧天頂飛
tsū-iû-tsū-tsāi teh thinn-tíng pue
你佮我約束欲來相會
lí kah guá iok-sok beh lâi siong-huē
這款的機會無濟
tsit khuán ê ki-huē bô tsuē
只要你佮我來做伙
tsí-iàu lí kah guá lâi tsuè-hué
手牽手無憂愁
tshiú khan-tshiú bô iu-tshiû
快樂咱兩人做陣行
khuài-lo̍k lán nn̄g-lâng tsuè-tīn kiânn
只要你佮我來做伴
tsí-iàu lí kah guá lâi tsuè-phuānn
心連心無痛苦
sim liân sim bô thòng-khóo
快樂的日子
khuài-lo̍k ê ji̍t-tsí
美滿的前程
bí-buán ê tsiân-tîng
咧等咱來去提
teh tán lán lâi-khì the̍h
海角佮天邊
hái-kak kah thinn-pinn
永遠做伙
íng-uán tsuè-hué
快樂佮幸福
khuài-lo̍k kah hīng-hok
會永遠做伙
ē íng-uán tsuè-hué
