無人比我較愛你
《無人比我較愛你》Bô-lâng Pí Guá Khah Ài Lí
洪榮宏Âng Îng-hông
——————————————
袂當放袂記
buē-tàng pàng-buē-kì
往事一點一滴
óng-sū tsi̍t-tiám tsi̍t-tih
親像美妙的歌詩
tshin-tshiūnn bí-miāu ê kua-si
點點滴滴攏嘛珍貴
tiám-tiám-tih-tih lóng-mā tin-kuì
想起當時離開你
siūnn-khí tong-sî lī-khui lí
只有十六小年紀
tsí-ū tsa̍p-la̍k sió nî-kí
目睭親像
ba̍k-tsiu tshin-tshiūnn
天頂的流星
thinn-tíng ê liû-tshinn
烏色頭毛金爍爍
oo-sik thâu-mn̂g kim sih-sih
甜蜜的笑容
tinn-bi̍t ê tshiò-iông
予我放袂記
hōo guá pàng-buē-kì
日落黃昏時
ji̍t lo̍h hông-hun sî
窗前思念你
thang-tsîng su-liām lí
啊~心愛的人
ah~ sim-ài ê lâng
相信無人比我較愛你
siong-sìn bô-lâng pí guá khah ài lí
