正義三英雄
《正義三英雄》Tsìng-gī Sann Ing-hiông
文夏Bûn-hā
——————————————
想起著三國時代
siūnn-khí tio̍h Sam-kok sî-tāi
英雄亂亂起
ing-hiông luān-luān khí
為著欲除害安民
uī-tio̍h beh tû-hāi an-bîn
結拜三兄弟
kiat-pài sam hiann-tī
啉血酒向天立誓
lim hiat-tsiú hiòng thinn li̍p-sè
桃園來起義
thô-hn̂g lâi khí-gī
人叫伊慈祥劉備
lâng kiò i tsû-siông Lâu Pī
人叫伊慈祥劉備
lâng kiò i tsû siông Lâu Pī
芳名留萬世
hong-miâ liû bān-sè
論武功抑是智慧
lūn bú-kong ia̍h-sī tì-huī
無人毋知影
bô-lâng m̄ tsai-iánn
上驚是為著情義
siōng kiann sī uī-tio̍h tsîng-gī
心肝也會軟
sim-kuann iā ē nńg
過五關斬著五將
kè ngóo-kuan tsám tio̍h ngóo-tsiòng
毋是伊本意
m̄-sī i pún-ì
人叫伊紅面關公
lâng kiò i âng-bīn Kuan-kong
人叫伊紅面關公
lâng kiò i âng-bīn Kuan-kong
慈淚彈目墘
tsû-luī tuânn ba̍k-kînn
若親像一陣旋風
ná-tshin-tshiūnn tsi̍t-tsūn suân-hong
所向全無敵
sóo hiòng tsuân bô-ti̍k
一身齊全部是膽
it-sin tsê tsuân-pōo sī tánn
一夫當萬夫
tsi̍t-hu tong bān-hu
無管是千軍萬馬
bû-kuán sī tshian-kun bān-má
總是無夠看
tsóng-sī bô-kàu-khuànn
人叫伊烏面張飛
lâng kiò i oo-bīn Tiunn Hui
人叫伊烏面張飛
lâng kiò i oo-bīn Tiunn Hui
可愛的男性
khó-ài ê lâm-sìng
