快樂的人生
《快樂的人生》Khuài-lo̍k ê Jîn-sing
文夏Bûn-hā
——————————————
人生青春的時代
jîn-sing tshing-tshun ê sî-tāi
只有是一擺
tsí-ū sī tsi̍t-pái
無論男性抑女性
bô-lūn lâm-sìng ia̍h lú-sìng
人人都一擺
lâng-lâng to tsi̍t-pái
因為你是年青人
in-uī lí sī nî-tshing-lâng
毋通踮厝內
m̄-thang tiàm tshù-lāi
緊緊出去在外面
kín-kín tshut-khì tsāi guā-bīn
揣著你心愛
tshuē-tio̍h lí sim-ài
人生求愛的時陣
jîn-sing kiû-ài ê sî-tsūn
只有是一擺
tsí-ū sī tsi̍t-pái
若是揣著你心愛
nā-sī tshuē-tio̍h lí sim-ài
緊緊去求愛
kín-kín khì kiû-ài
因為你是年青人
in-uī lí sī nî-tshing-lâng
毋通想歹勢
m̄-thang siūnn pháinn-sè
你若無緊去求愛
lí nā bô kín khì kiû-ài
隨時變人的
suî-sî piàn lâng–ê
人生失去的時陣
jîn-sing sit–khì ê sî-tsūn
只有這一擺
tsí-ū tsit tsi̍t-pái
若是失戀閣失志
nā-sī sit-luân koh sit-tsì
這款不應該
tsit khuán put-ing-kai
因為你是年青人
in-uī lí sī nî-tshing-lâng
提出勇氣來
the̍h tshut ióng-khì–lâi
閣再來去揣一个
koh-tsài lâi-khì tshuē tsi̍t-ê
這款才應該
tsit khuán tsiah ing-kai
這款才應該
tsit khuán tsiah ing-kai
