咱兩人的小雨傘
《咱兩人的小雨傘》Lán Nn̄g-lâng ê Sió-hōo-suànn
洪榮宏Âng Îng-hông
——————————————
天頂飄落的真珠
thinn-tíng phiau-lo̍h ê tsin-tsu
黏佇霧霧的窗外
liâm tī bū-bū ê thang-guā
一點一滴
tsi̍t-tiám tsi̍t-tih
咧揣伴(揣無伴)
teh tshuē phuānn (tshuē-bô phuānn)
像阮心肝
tshiūnn gún sim-kuann
毋知結局的故事
m̄-tsai kiat-kio̍k ê kòo-sū
留佇舊舊的曲盤
lâu tī kū-kū ê khik-puânn
千遍萬遍聽袂煞
tshian-piàn bān-piàn thiann buē-suah
仝這條歌
kāng tsit tiâu kua
心愛的咱兩人
sim-ài ê lán nn̄g-lâng
可愛的咱兩人
khó-ài ê lán nn̄g-lâng
雖然孤單
sui-jiân koo-tuann
甘願用青春
kam-guān iōng tshing-tshun
佮思念來換
kah su-liām lâi uānn
心愛的咱兩人
sim-ài ê lán nn̄g-lâng
永遠的咱兩人
íng-uán ê lán nn̄g-lâng
經過彼段
king-kuè hit tuānn
跤步會愈行愈倚
kha-pōo ē jú kiânn jú uá
無求富貴
bô kiû hù-kuì
也毋免榮華
iā m̄-bián îng-huâ
做陣攑
tsuè-tīn gia̍h
咱兩人的小雨傘
lán nn̄g-lâng ê sió-hōo-suànn
