歡樂過聖誕
《歡樂過聖誕》Huan-lo̍k Kuè Sìng-tàn
邱蘭芬Khu Lân-hun
——————————————
金色銀色聖誕樹欉
kim-sik gûn-sik sìng-tàn tshiū-tsâng
美麗真迷人
bí-lē tsin bê-lâng
家家戶戶傳達福音
ke-ke-hōo-hōo thuân-ta̍t hok-im
歌聲真明亮
kua-siann tsin bîng-liāng
窗外一片白雪茫茫
thang-guā it-phiàn pe̍h-seh bâng-bâng
景色真迷人
kíng-sik tsin bê-lâng
遠遠傳來祝福平安
hn̄g-hn̄g thuân-lâi tsiok-hok pîng-an
鈴聲四邊響
lîng-siann sì-pinn hiáng
無論囡仔老大人
bô-lūn gín-á lāu-tuā-lâng
抱著滿腹希望
phō-tio̍h muá-pak hi-bāng
你來期待
lí lâi kî-thāi
我也期待
guá iā kî-thāi
快樂過聖誕
khuài-lo̍k kè sìng-tàn
一位慈善聖誕老人
tsi̍t-uī tsû-siān sìng-tàn-lāu-lâng
喙鬚白蔥蔥
tshuì-tshiu pe̍h-tshang-tshang
無惜路途遐爾遙遠
bô-sioh lōo-tôo hiah-nī iâu-uán
到處送溫暖
tò-tshù sàng un-luán
