愛情研究所
《愛情研究所》Ài-tsîng Gián-kiù-sóo
洪百慧Âng Pik-huī
——————————————
愛情的路途
ài-tsîng ê lōo-tôo
有甜也有苦
ū tinn iā ū khóo
愛停在當初
ài thîng tsāi tong-tshoo
是少女的祈禱
sī siàu-lú ê kî-tó
幸福的門窗
hīng-hok ê mn̂g-thang
為情避風又閃雨
uī tsîng pī-hong iū siám-hōo
愛情的合約
ài-tsîng ê ha̍p-iok
快樂寫入姻緣簿
khuài-lo̍k siá ji̍p in-iân-phōo
愛情的藍圖
ài-tsîng ê nâ-tôo
怎樣揣無幸福橋
tsuánn-iūnn tshuē-bô hīng-hok-kiô
愛情的公路
ài-tsîng ê kong-lōo
怎樣揣無安全島
tsuánn-iūnn tshuē-bô an-tsuân-tó
愛情的網站
ài-tsîng ê bāng-tsām
問無幸福的門票
mn̄g bô hīng-hok ê mn̂g-phiò
一生的伴
it-sing ê phuānn
毋知欲去佗位招
m̄-tsai beh khì tó-uī tsio
愛情研究所
ài-tsîng gián-kiù-sóo
揣無失戀的解藥
tshuē-bô sit-luân ê kái-io̍h
痴情的人
tshi-tsîng ê lâng
加入傷心俱樂部
ka-ji̍p siong-sim khū-lo̍k-pōo
愛情研究所
ài-tsîng gián-kiù-sóo
變成一間空殼的廟
piàn-sîng tsi̍t-king khang-khak ê biō
熱戀的善男佮信女
jia̍t-luân ê siān-lâm kah sìn-lú
揣無倚靠
tshuē-bô uá-khò
